Wednesday, July 14, 2010

                                                      
                                          പതിവ് സ്ത്രീ ഭാവം
പരിശുധിയുടെയും പാതിവൃത്യത്തിന്റെയും മകുടോദാഹരണം. അല്ലെങ്കില്‍ തന്റേതായ സ്വപ്ന പ്രപഞ്ചത്തില്‍ വിഹരിക്കുന്ന നിരുതരവാദിത്വ വ്യക്തിത്വം. സാധാരണനിലയില്‍ അഭ്രപാളിയില്‍അവതരിപ്പിക്കപ്പെടാറുള്ള
പതിവ്സ്ത്രീഭാവങ്ങള്‍ .സ്ത്രീത്വത്തിന്റെ ഈ പതിവ് അവതരണരീതി കൊണ്ട്തന്നെയാണ് ചാരുലതയുടെബാകി എന്ന ഹ്രിസ്വചിത്രം എന്റെ അനിഷ്ടത്തിനു കാരണമായതും.
മനോഹരമായ ഷോട്ടുകളും കട്ടുകളും ചിത്രത്തെ ഒരു പരിധി വരെ മികവുറ്റതാക്കുന്നു. എങ്കിലും പ്രമേയം തീരെ നിലവാരം പുലര്‍ത്തുന്നില്ല എന്നത് വ്യക്തിപരമായ അഭിപ്രായം മാത്രം. സത്യജിറ്റ് റായിയുടെ ചാരുലത എന്ന കഥാപാത്രത്തെ സ്വന്തം ജീവിതത്തിലേക്ക് പകര്‍ത്തുന്ന അമ്മു എന്ന പെണ്‍കുട്ടിയുടെ ഭാവനാലോകമാണ് ചിത്രത്തില്‍ അവതരിപ്പിക്കുന്നത്‌. തന്റെ കാമുകന്‍ ചാരുലത എന്ന കഥാപാത്രത്തെ സ്നേഹിക്കുന്നത് കൊണ്ടാണോ അതോ തനിക്കു ചാരുലത എന്ന കഥാപാത്രത്തോട് തോന്നിയ സാദ്രിശ്യമാണോ എന്താണ് അമ്മുവിനെ
 ചാരുലതയുമായി അടുപ്പിക്കുവാന്‍  കാരണമെന്ന്   ചിത്രത്തില്‍ വ്യക്തമാക്കിയിട്ടില്ല. ഇത്തരത്തില്‍ ഒരുപാട് അവ്യക്തതകള്‍ അവശേഷിപ്പിച്ചു കൊണ്ടാണ് ചാരുലതയുടെ ബാകി അവസാനിക്കുന്നത്.
 പ്രേക്ഷകന്‍ തോന്നുംവിധം   ചിത്രത്തെ  വ്യാഖ്യാനിചോളൂ എന്നാകാം സംവിധായികയായ സംഗീത പദ്മനാഭന്റെ വ്യാഖ്യാനം .

No comments:

Post a Comment