Wednesday, July 14, 2010

                                                                                   
                                              കുടുംബത്തിലെ പൊന്നോമന

ഒരു സാധാരണ കുടുംബം.അച്ഛന്‍ അമ്മ പിന്നെ ഒരു മകന്‍. തികച്ചും സാധാരണമായ ഒരു ദിവസം. അമ്മ ആഹാരം പാകം ചെയ്യുന്നു. അച്ഛന്‍ പത്രം വിതരണം ചെയ്യുന്നു. മകന്‍ സംഗീതം ആസ്വദിക്കുകയും ചിത്രം വരയ്ക്കുകയും എഴുതുകയും വായിക്കുകയും ചെയ്യുന്നു.ഒപ്പം മറ്റു ദിനച്ചര്യകളെല്ലാം കൃത്യമായി ചെയ്യുന്നു .ഇവിടെ കൂടുതലായി എന്താണ് പറയുവാനുള്ളത്?  സംവിധായകനായ ഉമേഷ്‌ കുല്‍കര്‍നിയും കൂടുതലായി ഒന്നും തന്നെ പറയുന്നില്ല.കാലുകള്‍ രണ്ടും തളര്‍ന്ന ബുദ്ധി മന്ദിച്ച ആ മകന്റെ ഒരു ദിവസത്തെ ജീവിതം അതെ പോലെ പകര്‍ത്തുന്നു അത്രമാത്രം. "ഞാനാണ് ഈ ലോകത്തിലെ ഏറ്റവും സന്തോഷവാന്‍, ദൈവം എന്നെ ഏറെ സ്നേഹിക്കുന്നു" എന്ന ആത്മവിശ്വസതോടെയാണ് ആ മകന്‍ ജീവിതത്തിലെ ഓരോ പ്രവര്‍ത്തിയും ചെയ്യുന്നത്,റേഡിയോയില്‍ കേള്‍ക്കുന്ന ഹിന്ദി ചലച്ചിത്ര ഗാനത്തിനൊപ്പം തനിക്കു കഴിയുംവിധം ചുവടു വയ്ക്കുമ്പോള്‍ അച്ഛനും അമ്മയും ആ മകനെ പ്രോത്സാഹിപ്പിക്കുന്നു. സഹതാപത്തോടെയുള്ള ഒരു നോട്ടം ഒരു വാക്ക് അതൊന്നും തനിക്കു ആവശ്യമില്ല ആരുമത് അവനു നല്‍കുന്നുമില്ല.
അവിടെയാണ് മനുഷ്യന്‍ മനുഷ്യനെ മനസ്സിലാക്കുന്നതും സ്നേഹിക്കുന്നതും.നിശബ്ധമായാണ് ത്രീ ഓഫ് അസ്‌ എന്ന ഡോകുമെന്ററി സംവിധായകനായ ഉമേഷ്‌കുല്കര്നി അവതരിപ്പിച്ചിരിക്കുന്നത്.  അത്ഭുതവും ആദരവും തോന്നുന്ന ഇത്തരം മനുഷ്യര്‍ നിരവധി പേര്‍ 
നമുക്ക് ചുറ്റുമുണ്ട് . നമ്മള്‍ അവരെ കാണാറുണ്ട് പക്ഷെ കണ്ടതായി ഭാവിക്കാറില്ല . 

No comments:

Post a Comment