Sunday, February 7, 2010

ചെകുത്താന്റെ വചനങ്ങള്‍ 
ഇതൊരുതരം വലിഞ്ഞുമുരുകലാണ്
 അത് ശരീരത്തിലൂടെ ,
ചിന്തയും ചിത്തിനെയും
കാര്‍ന്നു തിന്നുന്നു .
അനാവശ്യം എന്ന് തോന്നുന്ന ജീവിതത്തില്‍,
ഭൂതത്തിന്റെയും  ഭാവിയുടെയും
നിഴല്‍ പതിയുന്നു .
വര്‍ത്തമാനത്തിന്‍ വെളിച്ചത്തെ
തുടച്ചു മാടുന്നതെന്തോ ;
അതാണ്‌ ദൈവം .
ഒരു പരീക്ഷണ കഥാപാത്രത്തിന്‍
ആകുലതകളും പരാതികളും
കേള്‍ക്കുവാന്‍ ചെകുത്താന്‍ മാത്രം
അവശെഷിപ്പൂ .

Saturday, February 6, 2010

സ്നേഹ ശൈലി
സ്നേഹത്തിന്റെ  ഭാഷ
പഠിക്കുവാനും ഗ്രഹിക്കുവാനും
പ്രയാസമാണ് .
അതിന്റെ വ്യാകരണവും
ശൈലിയും പിടികിട്ടുന്നില്ല
ചുറ്റുമുള്ള ചിലരില്‍ ചിലര്‍ക്കത്
സ്വയത്തമാണ് താനും .
അടുക്കും ചിട്ടയുമില്ലാതെ നീയെനിക്ക്
എന്തക്കൊയോ തന്നുകൂട്ടി
എന്നാല്‍ സ്നേഹത്തിന്‍ മധുരം
നുനയുന്നതില്‍ നിന്ന് നീയെന്നെ വിലക്കി .
നിശയുടെ അവസാന യാമങ്ങളില്‍
തെളിഞ്ഞു മങ്ങുന്ന നക്ഷത്രകൂട്ടം
എന്നെനോക്കി പുഞ്ചിരിതൂകി
പരിഹാസത്തിന്‍ മന്ദഹാസം;
എന്നെ താങ്ങിനിര്‍ത്തുന്ന അമ്മതന്മാരിടം
ഒരുതുളി നനവില്‍ കുതിര്‍ന്നമര്‍ന്നു.
ആ നനവ്‌ എന്റെ കണ്ണുനീരിന്റെതാണ് .